skraf

Í morgun fann ég fyrir vetrinum og stóð mig að því að kvíða honum. Kvíða myrkrinu, rokinu og kuldanum næstu 6-7 mánuðina. Það gengur náttúrlega ekki að leggjast í eymd og volæði hálft árið svo að nú ætla ég að gera áætlun. Setja mig í jákvæðar stellingar og mæta vetrinum með tilhlökkun. Finna að minnsta kosti eina jákvæða hugsun og tilhlökkunarefni á dag.

Ég hlakka til að koma heim í kvöld, kveikja á kertum og lesa bók fyrir leshring á miðvikudaginn.